ຜົນປະໂຫຍດທີ່ຈະໄດ້ຮັບຈາກການສຳຫຼວດ
- ເກັບກໍາສັງລວມຂໍ້ມູນດ້ານພົນລະເມືອງ ໃນຂອບເຂດທົ່ວປະເທດ ຈາກໃນລະດັບຂັ້ນແຂວງ, ຂັ້ນເມືອງ ແລະ ຂັ້ນບ້ານ ກ່ຽວກັບສະພາບການປ່ຽນແປງຂອງພົນລະເມືອງ ໃນໄລຍະ 10 ປີ ແລະ ປັດໃຈທີ່ມີຜົນກະທົບຕໍ່ການຂະຫຍາຍຕົວຂອງພົນລະເມືອງເຊັ່ນ: ການຈະເລີນພັນ, ການເສຍຊີວິດ, ການເຄື່ອນຍ້າຍຂອງພົນລະເມືອງ ແລະ ຂໍ້ມູນລະອຽດກ່ຽວກັບຄຸນລັກສະນະຂອງພົນລະເມືອງ, ໂຄງປະກອບທາງດ້ານອາຍຸ, ເພດ, ຊົນເຜົ່າ, ສາດສະໜາ,ການຂື້ນທະບຽນການເກີດ, ການຖືບັດປະຈຳຕົວ-ສຳມະໂນຄົວ, ການສຶກສາ, ການປະກອບອາຊີບ, ເງຶ່ນໄຂການດຳລົງຊີວິດ ແລະ ການເຂົ້າເຖິງການບໍລິການອື່ນໆ.
- ຖານຂໍ້ມູນພົນລະເມືອງແຫ່ງຊາດໃນທຸກໆ 10 ປີ ເຊິ່ງປະກອບດ້ວຍ ຖານຂໍ້ມູນ ບັນຊີບ້ານ, ບົນຊີຄົວເຮືອນ, ບັນຊີຈຸດທີ່ຕັ້ງບ້ານ, ຈຸດທີ່ຕັ້ງຂອງຄົວເຮືອນ ແລະ ພື້ນຖານໂຄງລ່າງຕ່າງໆ ແລະ ຖານຂໍ້ມູນລະອຽດກ່ຽວກັບບຸກຄົນຂອງແຕ່ລະຄົວເຮືອນໃນຂອບເຂດທົ່ວປະເທດ ເພື່ອເປັນບ່ອນອີງໃນການເຊື່ອມໂຍງກັບລະບົບຖານຂໍ້ມູນ ການຂື້ນທະບຽນພົນລະເມືອງແຫ່ງຊາດ ຮັບໃຊ້ໃຫ້ແກ່ການປັບປຸງນະໂຍບາຍດ້ານພົນລະເມືອງ ແລະ ວຽກງານການຄຸ້ມຄອງພົນລະເມືອງ.
- ບົດລາຍງານຜົນການສຳຫຼວດໃນລະດັບຊາດ ແລະ ຂັ້ນແຂວງ, ບົດລາຍງານການຄາດຄະເນພົນລະເມືອງ, ບົດລາຍງານຜົນການວິໄຈຫົວຂໍ້ຕ່າງໆ ເຊັ່ນ: ສະພາບການຈະເລີນພັນ, ສະພາບການເສຍຊີວິດຂອງແມ່ ແລະ ເດັກນ້ອຍ, ສະພາບການຍົກຍ້າຍ, ການສຶກສາ, ການຈ້າງງານ, ສະພາບການດຳລົງຊີວິດ ແລະ ການເຂົ້າເຖິງການບໍລິການຕ່າງໆຂອງພົນລະເມືອງ.
- ສາມາດສະໜອງຂໍ້ມູນພື້ນຖານທີ່ສຳຄັນທາງດ້ານພົນລະເມືອງ ເພື່ອຮັບໃຊ້ໃຫ້ແກ່ການດຶງດູດການລົງທຶນ, ການຄາດຄະເນດ້ານປະຊາກອນ, ການຂະຫຍາຍຕົວພົນລະເມືອງທີ່ຕິດພັນກັບການເຕີບໂຕສີຂຽວ, ການດຸ່ນດ່ຽວທຳມະຊາດ, ຕະຫຼາດແຮງງານ, ຕະຫຼາດສີນຄ້າ, ນຳໃຊ້ເຂົ້າໃນການຄົ້ນຄວ້າ ແລະ ວິໄຈ ເພື່ອຮັບໃຊ້ແຜນໄລຍະສັ້ນ,ໄລຍະຍາວ, ແຜນພັດທະນາຊັບພະຍາກອນມະນຸດ ແລະ ເປັນບ່ອນອີງທີ່ສໍາຄັນ ສຳລັບການຕິດຕາມ ແລະ ປະເມີນການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມແຫ່ງຊາດ ຄັ້ງທີ X, ການຕິດຕາມເປົ້າໝາຍພັດທະນາແບບຍືນຍົງ ແລະ ວິໄສທັດຮອດ ປີ 20230, ການລຸດພົ້ນອອກຈາກປະເທດດ້ອຍພັດທະນາ ແລະ ການຕິດຕາມແຜນງານດ້ານປະຊາກອນໃນລະດັບຊາດ, ພາກພື້ນ ແລະ ສາກົນອີກ.
ຜົນໄດ້ຮັບ ແລະ ເອກະສານທີ່ກ່ຽວຂ້ອງ
