ການຕ້ອນຮັບພົບປະແລກປ່ຽນລະຫວ່າງ ສູນສະຖິຕິແຫ່ງຊາດ ລາວ ແລະ ສະຫະກົມສະຖິຕິ ສສ ຫວຽດນາມ ກະຊວງ ແຜນການ ແລະ ການລົງທຶນ ວັນທີ 22 ມີນາ 2022

ໃນຕອນເຊົ້າຂອງວັນທີ 22 ມີນາ ປີ 2022, ຄະນະນຳ ຂອງສູນສະຖິຕິແຫ່ງຊາດ ໄດ້ຕ້ອນຮັບ ຄະນະຜູ້ແທນຈາກ ກະຊວງແຜນການ ແລະ ການລົງທຶນ ສສ ຫວຽດ ນາມ ໂດຍແມ່ນທ່ານ ນາງ ຫງວຽນ ທິ ຮົ່ງ, ຫົວໜ້າສະຫະກົມສະຖິຕິ ສສ ຫວຽດນາມ ພ້ອມດ້ວຍຄະນະ ທີ່ໄດ້ເຂົ້າມາຢ້ຽມຢາມສູນສະຖິຕິແຫ່ງຊາດ ເນື່ອງໃນໂອກາດທີ່ສອງປະເທດພວກເຮົາສະເຫລີມສະຫລອງສອງວັນປະຫວັດສາດ ແຫ່ງການພົວພັນຮ່ວມມືພິເສດຂອງ ສອງພັກ, ສອງລັດ ແລະ ປະຊາຊົນສອງຊາດພວກເຮົາທີ່ມີມູນເຊື້ອ, ເຊິ່ງການພົບປະໃນມື້ນີ້ ຈະເປັນຂີດໝາຍທີ່ສໍາຄັນໃນວຽກການຮ່ວມມື ແລະ ປຶກສາຫາລືຮ່ວມກັບສະຫະກົມສະຖິຕິ ສສ ຫວຽດນາມໃນຕໍ່ຫນ້າ.