ກອງປະຊຸມ ກຸ່ມວຽກງານອາຊຽນ ກ່ຽວກັບສະຖິຕິການຄ້າສິນຄ້າສາກົນ ຄັ້ງທີ 10 (WGIMTS10) ແມ່ນໄດ້ຈັດຂື້ນໃນລະຫວ່າງ ວັນທີ 10-11/07/2024, ທີ່ ໂຮງແຮມເສດຖາປາລາດ, ນະຄອນຫຼວງວຽງຈັນ. ໂດຍການເປັນປະທານກອງປະຊຸມ ໂດຍ ທ່ານ ນ. ການຈະນາ ພູມະລີ, ຜູ້ອຳນວຍການ ກອງນະໂຍບາຍ ແລະວິຊາການ ສະຖິຕິ ສຳນັກງານສະຖິຕິແຫ່ງຊາດ ແລະ ຮ່ວມດໍາເນີນກອງປະຊຸມໂດຍ ທ່ານ ນ. ສາລິກາ ຈັນທະລາວົງ ຮອງກົມສະຖິຕິເສດຖະກິດ, ສູນສະຖິຕິແຫ່ງຊາດ ພ້ອມດ້ວຍຄະນະທີມງານຈາກກອງເລຂາອາຊຽນ; ແລະ ມີຜູ້ຕາງໜ້າຈາກ 10 ປະເທດອາຊຽນ, ແລະ ຕີມໍເລດສ໌ເຕ ເຂົ້າຮ່ວມກອງປະຊຸມດ້ວຍຄວາມເອົາໃຈໃສ່, ມີໄມຕີຈິດມິດຕະພາບ ຄຽງຄູ່ກັບການສ່ອງແສງກ່ຽວກັບຄວາມຄືບຫນ້າ ແລະ ການເພີ່ມຄຸນນະພາບ ຂອງຂໍ້ມູນສະຖິຕິການຄ້າສິນຄ້າສາກົນ, ແລະຕິດຕາມແຜນງານ ກຸ່ມວຽກອາຊຽນ ກ່ຽວກັບສະຖິຕິການຄ້າສິນຄ້າສາກົນ ແລະແຜນງານໃນຕໍ່ໜ້າ.
