ກອງປະຊຸມການບັນຍາຍກ່ຽວກັບຂໍ້ມູນທາງດ້ານເສດຖະກິດມະຫາພາກຂອງ ສປປ ລາວ ແລະ ຕ້ອນຮັບຄູອາຈານ ແລະ ນັກສຶກສາທີ່ມາຈາກມະຫາວິທະຍາໄລສຸພານຸວົງ, ແຂວງຫຼວງພະບາງ.

ໃນຕອນເຊົ້າຂອງ ວັນທີ 12 ກຸມພາ 2021 ໄດ້ມີການຈັດກອງປະຊຸມຕ້ອນຮັບການມາຢຽມຢາມ ຂອງຄູອາຈານ ແລະ ນັກສຶກສາຈາກມະຫາວິທະຍາໄລສຸພານຸວົງ, ແຂວງ ຫຼວງພະບາງ ທີ່ ຫ້ອງປະຊຸມຊັ້ນ 4 ສູນສະຖິຕິແຫ່ງຊາດ. ໃຫ້ກຽດເປັນປະທານ ໂດຍ ທ່ານ ນາງ ສຸດຈະລິດ ໜໍ່ແກ້ວ, ຮອງຫົວໜ້າຫ້ອງກການ ສູນສະຖຸິຕິແຫ່ງຊາດ, ໃນນັ້ນມີວິຊາການຈຳນວນໜຶ່ງຈາກກົມສະຖິຕິເສດຖະກິດເຂົ້າຮ່ວມ.

ຈຸດປະສົງໃນຄັ້ງນີ້ແມ່ນເພື່ອຮັບຟັງການບັນຍາຍກ່ຽວກັບຂໍ້ມູນທາງດ້ານເສດຖະກິດມະຫາພາກຂອງ ສປປ ລາວ. ຊຶ່ງເປັນຂໍ້ມູນທີ່ມີຄວາມໝາຍຄວາມສໍາຄັນໃຫ້ແກ່ນັກສຶກສາທີ່ຈະນຳໄປຄົ້ນຄວ້າຮໍ່າຮຽນໃນຂະແໜງວິຊາຂອງຕົນ.